NODAVLAT TA’LIM MUASSASALARI BOZORIDA RAQOBATBARDOSHLIKNI OSHIRISHDA SIFAT MENEJMENTINING ROLI

Abstract

Annotatsiya: Mazkur maqolada nodavlat ta’lim muassasalari bozorida raqobatbardoshlikni oshirishda sifat menejmenti tizimining o‘rni va ahamiyati nazariy hamda amaliy jihatdan tahlil qilinadi. Bugungi kunda ta’lim xizmatlari bozori kuchli raqobat muhitiga ega bo‘lib, nodavlat ta’lim muassasalari oldida sifatli ta’lim xizmatlarini taqdim etish, iste’molchilar ishonchini oshirish hamda barqaror rivojlanishni ta’minlash kabi muhim vazifalar turibdi. Shu nuqtai nazardan, sifat menejmenti tizimi ta’lim jarayonlarini tizimli boshqarish, doimiy takomillashtirish va natijadorlikni oshirishga xizmat qiluvchi asosiy omil sifatida qaraladi. Maqolada sifat menejmentining tamoyillari, ya’ni iste’molchi ehtiyojlariga yo‘naltirilganlik, jarayonlarni standartlashtirish, ichki nazorat va doimiy monitoring tizimlarini joriy etish masalalari yoritiladi. Shuningdek, o‘qituvchilar salohiyati, o‘quv dasturlarining zamonaviyligi, raqamli texnologiyalardan foydalanish darajasi va moddiy-texnik bazaning rivojlanganligi kabi omillar ta’lim sifati va raqobatbardoshlikka bevosita ta’sir etishi asoslab beriladi.