VIRTUAL LABORATORIYALAR YORDAMIDA ANATOMIYA FANINI O’QITISH METODIKASINI TAKOMILLASHTIRISH

Abstract

Annotatsiya: Mazkur maqola zamonaviy ta’lim jarayonida raqamli texnologiyalardan foydalanish asosida anatomiya fanini o‘qitish metodikasini takomillashtirish masalalariga bag‘ishlangan. Tadqiqotda virtual laboratoriyalar tushunchasi, ularning pedagogik imkoniyatlari hamda anatomiya fanini o‘qitishda qo‘llashning nazariy va amaliy jihatlari atroflicha tahlil qilingan. Virtual laboratoriyalar yordamida inson organizmining tuzilishini o‘rganish jarayonida ko‘rgazmalilikni ta’minlash, murakkab anatomik tuzilmalar va biologik jarayonlarni modellashtirish orqali o‘quvchilarning bilimlarni chuqur va ongli ravishda o‘zlashtirishiga erishish imkoniyatlari yoritilgan. Maqolada anatomiya fanini o‘qitishda an’anaviy metodlar bilan virtual laboratoriyalarni uyg‘unlashtirish ta’lim samaradorligini oshirishning muhim omili ekanligi asoslab berilgan. Virtual muhitda o‘tkaziladigan laboratoriya mashg‘ulotlari o‘quvchilarning mavzuga bo‘lgan qiziqishini kuchaytirishi, mustaqil ta’lim ko‘nikmalarini rivojlantirishi hamda nazariy bilimlarni amaliy mashg‘ulotlar bilan mustahkamlashga xizmat qilishi ko‘rsatib o‘tilgan. Shuningdek, virtual laboratoriyalarning xavfsizligi, iqtisodiy samaradorligi va takroriy foydalanish imkoniyatlari ularning afzalliklari sifatida tahlil etilgan.